TUME YA TAIFA VYUO VIKUU (TCU) YATANGAZA AWAMU YA NNE YA KUFANYA MAOMBI

Tume ya taifa ya vyuo vikuu nchini imetangaza awamu ya nne ya kufanya maombi ya kujiunga na Elimu ya juu nchini.Tume imetangaza kwamba, baada ya kukamilisha mchakato wa maombi ya waombaji wa vyuo vikuu, vyuo Vikuu Vishiriki na Taasisi za elimu ya juu kwa awamu ya Kwanza, ya Pili na yaTatu,na matokeo ya waombaji wote waliofanikiwa kupata nafasi vyuoni kukamilika,imebaini kuwa bado kuna waombajakribani 5,301 ambao bado wako kwenye mfumo na hawajakamilisha maombi yao. 

Pia tume imetangaza kwamba, imebaini kuwepo kwa idadi kubwa ya waombaji hasa wenye Stashahada ambao hawakuomba kabisa kutokana na matokeo yao ya mitihani kuchelewa kufika Baraza la Elimu ya Ufundi (NACTE).

awamu hii itawahusu: Waombaji ambao bado wako ndani ya mfumo ambao hawajachaguliwa, Waombaji wapya ambao hawakuwahi kuomba awali pamoja na waombaji walio na sifa linganifu,ambao hawakukamilisha taratibu za uombaji hapo awali.

Tume imetangaza kwamba, Kutokana na sababu tajwa hapo juu, itafungua Mfumo (CAS) kwa siku tatu tu, kuanzia Jumatatu tarehe 24 hadi Jumatano tarehe 26 Oktoba 2016 ili kuruhusu Makundi tajwa hapo juu kuingia kwenye mfumo.

Pia Tume imewataka waombaji wa awamu ya nne kuzingatia, Kuhakikisha wanaomba kozi walizo na sifa stahiki, Kuhakikisha wanakamilisha maombi yao kiufasaha, na kuhakikisha wanajiridhisha na nafasi zilizopo kwa kuzingatia viwango valivyofaulu.

Pia, tume imetangaza kwamba a Umma kwamba kozi zote zisizoonekana kwenye mfumo kwa sasa kuwa zimejaa.Baada ya tarehe tajwa hapo juu Tume itafunga rasmi zoezi la udahili kwa mwaka 2016/17 ili kuruhusu mchakato mingine ya Bodi ya Mikopo na Vyuo. 

            Tangazo hili limetolewa 

                       Kaimu katibu mtendaji, 

                          Tume ya vyuo vikuu Tanzania

                                     21/10/2016

Hii hapa link kupata undani wa tangazo hili zaidi

 http://tcu.go.tz/images/documents/Tangazo_ROUND_4.pdf