TAARIFA KUTOKA CHUO CHA NIT KUHUSU MHADHIRI ALIYEKAMATWA NA TUHUMA ZA RUSHWA YA NGONO

  Chuo cha Taifa cha Usafirishaji (NIT) kimetoa taarifa kuhusu Mhadhiri Msaidizi aliyekamatwa kwa tuhuma za rushwa ya ngono

Mhadhiri huyo Msaidizi wa Chuo cha Taifa cha Usifirishaji (NIT) alikamatwa na Taasisi ya Kuzuia na Kupambana na Rushwa Mkoa wa Konondoni baada ya kunaswa katika mtego wa rushwa ya ngono.

Mhadhiri huyo anayefahamika kwa jina la Samson Jovin Mahimbo (66) mkazi wa Makongo Juu, Dar es Salaam alikamatwa  Januari 12, 2017 katika nyumba ya kulala wageni ijulikanayo kama Camp David iliyopo eneo la Mlalakua, Mwenge jijini Dar es Salaam.

Samson Mahimbo alikamatwa baada ya kuwekewa mtego kufuatia taarifa iliyotolewa na mwanafunzi huyo aliyeombwa rushwa ili aweze kumpatia alama (marks) nzuri  katika mtihani wake wa marudio (supplementary examination) alioufanya tarehe 5 Januari 2017.

Mtuhumiwa huyo amekamatwa kwa tuhuma za kufanya kosa hilo kinyume na kifungu cha 25 cha sheria ya kuzuia na kupambana na rushwa namba 11 ya mwaka 2017.