DC NJOMBE ASHAURI HALMASHAURI KUJENGA KITUO CHA KULELEA WAZEE WAKIUME | Tarimo Blog

Mkuu wa wilaya ya Njombe Ruth Msafiri akizungumza wakati wa maadhimisho ya siku ya wazee yanayoadhimishwa Oktoba Mosi kila mwaka, na katika maadhimisho hayo jumla ya wazee 1051 wa Wilaya ya Njombe wamepatiwa kadi za matibabu.

Mkuu wa Wilaya ya Njombe Ruth Msafiri akimkabidhi moja ya wazee kadi ya matibabu wakati wa maadhimisho ya siku ya wazee duniani yaliyofanyika wilayani humo.

Mkuu wa Wilaya ya Njombe Ruth Msafiri akiwa kwenye picha ya pamoja na baadhi ya wazee katika maadhimisho ya siku ya wazee duniani.

Na Amri Kilagalila, Njombe

 

WAZEE 1051 wa halmashauri ya mji wa Njombe kati 7583, wanawake wakiwa 4092 na wanaume 3491 wamepata vitambulisho vya huduma ya afya kama sera ya afya inavyoagiza ili kurahisisha upatikanaji wa huduma za afya na kuwawezesha kupata matibabu mahali popote.

Ikiwa ni muendelezo wa kutekeleza sera ya wizara ya afya ili kuwasaidia wazee kupata huduma za afya bure, Mkuu wa wilaya ya Njombe Ruth Msafiri ameongoza zoezi la ugawaji wa vitambulisho kwa wazee 80 na kufikia idadi ya 1051 ambapo kutokana na changamoto wanazo pitia ameshauri halmashauri ya mji wa Njombe  kwa kushirikiana na wadau kujenga kituo cha kutunza wazee wa kiume kwa kuwa upande wa akina Mama tayari wameweza kuwa na kituo.

“Niombe Mkurugenzi ashirikiane na taasisi zingine akae nazo na mimi niweze kushirikiana naye ili tuone uwezekano wa kutafuta kiwanja tufanye harambee ili tuhakikishe na wazee nao wanapata sehemu ya kuishi.”amesema .

Kwa upande wake Mkurugenzi wa halmashauri ya Mji Njombe Iluminatha Mwenda amesema kuwa halmashauri hiyo licha ya kutoa huduma za afya bure kwa wazee pia halmashauri imekuwa ikitoa mikopo kwa wazee kwa kushirikiana na mashirika yasiyo ya kiserikali.

Kwa upande wao wazee waliopatiwa vitambulisho hivyo bure wameishukuru serikali kwa uwepo wa bima ya afya bure inayowasaidia kurefusha maisha yao.

Mafunzo ya Ufugaji Bora na Matibabu, Jiunge sasa kwa KUBOFYA HAPA