Mbunge Mteule wa Jimbo la Bumbuli Mkoani Tanga January Makamba ameahidi kuwa katika kipindi cha miaka mitano ijayo vijiji na vitongoji vya halmashauri ya bumbuli ambavyo havijafikiwa na umeme vitapatiwa huduma hiyo ili viweze kuondokana na changamoto hiyo .
Makamba alisema kuwa ilani ya chama cha mapinduzi CCM inaelekeza kuwa
maeneo yote ambayo hayajafikiwa na umeme yafikiwe ili wananchi wa maeneo husika waweze kuondokana na giza na wakae kwenye mwanga.
Alitoa ahadi hiyo wakati wa Mkutano wa kampeni wa kutafuta kura za Rais
Magufuli na madiwani wa CCM uliofanyika kata ya Dule B na Mbuzii
katika Jimbo la Bumbuli Wilayani Lushoto.
Makamba aliwaomba wapiga kura wa jimbo hilo kutohadaika na wapinzani
wanaosema kwamba CCM hawajawaletea umeme kwani kila kitongoji kitapata nishati hiyo
"Hata Rais Magufuli anapopita huko mikoani kuomba ridhaa
ya kuongoza tena ameendelea kutoa ahadi hiyo ya kusambaza umeme katika nchi nzima hasa maeneo ambayo hajafikiwa hivyo October 28 jitokezeni kumpa kura nyingi ili aweze kutimiza ahadi hiyo"alisema Makamba.
Alisema kuwa dalili yakwamba umeme utafika maeneo yote tayari
baadhi ya nguzo zinaoneka tofauti na miaka mitano iliyopita hakukuwa na
nguzo hata moja hivyo endeleeni kuiamini CCM katika miaka mitano ijayo ili iweze kumalizia changamoto zilizopo na ahadi zake
Mbali na umeme Makamba aliahidi uboreshaji wa miundombinu mingine ikiwemo uboreshaji wa shule za msingi na sekondari katika miaka mitano ijayo lengo likiwa ni kuweka mazingira bora ya kujifunzia wanafunzi ili kuwapa hamasa ya kuongeza ufaulu katika masomo yao
" Mchagueni Magufuli kwa kura nyingi za kishindo ili mnipe nguvu mimi na
diwani wenu ili tutakapoenda kuomba majawabu ya changamoto zetu iwe rahisi kusikilizwa "alisema Makamba ambaye anaendelea na kampeni Kijiji kwa Kijiji kuhakikisha CCM imashinda kwa kishindo
Hata hivyo alisema kuwa Mgombea wa CCM ambaye anamaliza kipindi chake cha awamu ya kwanza ya Urais wa Jamhuri ya Muungano wa Tanzani licha ya kufanya mambo mengi ya kimaendeleo lakini pia amefanikiwa pia kurudisha nidhamu katika utumishi wa umma na kurudisha chachu mpya ya Watanzania ya kujitafutia Maendeleo.
Alisema kuwa Chama cha mapinduzi kimefanya mengi na kimetekeleza kwa
kiasi kikubwa ahadi nyingi walizoahidi 2015 japo bado changamoto zipo
lakini asipite mtu kuwadanganya kwamba atamaliza changamoto zote kwani tangu Dunia iumbwe hakuna mtu aliyewahi kumaliza changamoto zote
Mbunge Mteule wa Jimbo la Bumbuli Mkoani Tanga January Makamba alipokuwa akizungumza wakati wa Mkutano wa kampeni wa kutafuta kura za Rais Magufuli na madiwani wa CCM uliofanyika kata ya Dule B na Mbuzii
katika Jimbo la Bumbuli Wilayani Lushoto.
Mafunzo ya Ufugaji Bora na Matibabu, Jiunge sasa kwa KUBOFYA HAPA
Post a Comment