KUMEWAKA MAN CITY KUFANYA MAPINDUZI YA KUTISHA

MAN CITY KUWATEMA WACHEZAJI 18 MWISHO WA MSIMU

---

Pep Guardiola anataka kufanya mabadiliko makubwa kwenye kikosi cha Manchester City na jambo hilo linaweza kuwaondoa wachezaji 18 Etihad ifikapo mwisho wa msimu huu kwa mujibu wa The Guardian.
Wachezaji wengi wanamaliza mikataba yao mwisho wa msimu huu, wengine wakitumika kwa mkopo na wengine wakiwa hawakubaliki tena, klabu hiyo ya Ligi Kuu Uingereza itawapungia baadhi ya wachezaji mkono wa kwaheri.
Yaya Toure, Gael Clichy, Pablo Zabaleta, Willy Caballero, Jesus Navas, Bacary Sagna NA Tosin Adarabioyo wote wanakaribia kumaliza mikataba yao. Walioondoka kwa mkopo Joe Hart, Eliaquim Mangala, Samir Nasri, Wilfried Bony na Jason Denayer pia wanaweza kuondoka, wakati mustakabali wa Sergio Aguero, Vincent Kompany, Aleksandar Kolarov, Fabian Delph, Fernando na Kelechi Iheanacho bado haueleweki hadi sasa.
Guardiola atapewa kitita cha paundi milioni 150 kuunda upya kikosi hicho baada ya kung'olewa kwenye michuano ya Ligi ya Mabingwa na Monaco.