WAZIRI LUKUVI KUTATUA MIGOGORO YA ARDHI JIJINI MWANZA

Zamototz

Na Ripota Wetu,Globu ya jamii

WAZIRI wa Ardhi, Nyumba na Maendeleo, William Lukuvi ameanza ziara mkoani Mwanza kwa lengo la kusikiliza wananchi wenye kero na changamoto mbalimbali katika eneo la ardhi. 

Taarifa iliyotolewa na Wizara hiyo inaeleza kuwa Waziri Lukuvi atafanya ziara wilayani Ilemela na Nyamagana na akiwa huko atakagua eneo la Polisi Kigoto lililovamiwa na wanachi. 

Pia atakagua maeneo ya Ilemela Mahakamani, Jeshi la Wananchi wa Tanzania (JWTZ), na Uwanja wa Ndege. 

"Waziri Lukuvi atakuwa kwenye kuanzia leo Januari 25 hadi 27 mwaka guy ambapo atakagua maeneo kadhaa yenye migogoro ya ardhi, "imesema taarifa hiyo. 

Waziri Lukuvi pia atasikiliza kero za wananchi kuhusu mchakato wa urasimishaji wa makazi, Buguku katika kata ya Buhongwa.

Pia kuhamasisha kwa kutoa hati na kusikiliza kero za wananchi kuhusu urasimishaji eneo la Nyasaka wilayani Ilemela. 

from Michuzi Blog
Soma Zaidi