Na Mwandishi wetu
MSANII maarufu wa vichekesho nchini ambaye pia ni mshereheshaji, Emmanuel Mathias maarufu kama Mc Pilipili amechukua fomu ya kuwania Ubunge kwenye jimbo la Bahi Dodoma kupitia Chama cha Mapinduzi (CCM).
Mc Pilipili alichukua fomu hiyo juzi na amejinadi kwamba atawaondoa woga vijana na kuwahamamisha kushiriki katika masuala ya kuwania uongozi kwani Serikali ya awamu ya tano imekuwa na uwazi na ukweli.
"Nataka kuwatumika wana Bahi, nimejipima na kujitathimini kwamba naweza na ndio maana nikafanya maamuzi ya kuchukua fomu ya kukiomba chama changu kinipatie ridhaa ya kugombea nafasi ya Ubunge," amesema Mc Pilipili
Mc Pilipili ni mmoja wa wasanii wenye familia na amejaaliwa kupata mtoto mmoja na amekuwa gwiji wa sanaa za vichekesho na mshehereshaji.
Hata hivyo jimbo ambalo Mc Pilipili analitaka, katika kipindi cha miaka mitano iliyopita lilishikiliwa na Omar Baduel (CCM).
Mafunzo ya Ufugaji Bora na Matibabu, Jiunge sasa kwa KUBOFYA HAPA
Post a Comment