Katibu Mstaafu wa Halmashauri Kuu ya Taifa, Siasa na Uhusiano wa Kimataifa January Makamba amewaomba watanzania Ifikapo Oktoba 28,2020, wahakikishe wanamchagua kwa kura nyingi Rais Magufuli kutokana na rekodi yake ya utekelezaji wa ilani na sera za CCM kwa miaka mitano iliyopita
Ombi hilo amelitoa wakati wa kampeni za kumnadi na kumuombea kura Mgombea Ubunge Jimbo la Korogwe vijijini Timotheo Mzava zilizofanyika viwanja vya soko la Mombo.
Makamba alisema Chama Cha Mapinduzi ni bora zaidi kuliko vyama vingine vya upinzani sababu CCM haiwezi kupeleka Mgombea wa ngazi yeyote mwenye shaka shaka kuhusu sifa zake na uwezo wake .
Makamba ambaye pia ni Mbunge aliyepita bila kupingwa alisema kila mmoja anajua utendaji kazi wa Rais Magufuli katika kipindi cha miaka mitano iliyopita, hivyo wamchague tena ili aweze kudhihilisha matunda yake na kumalizia kazi zilizobakia .
Alisema kuwa Matunda ya kazi alizozifanya Rais Magufuli na ambaye ni mgombea wa CCM yanakwenda kudhihirika zaidi atakapopewa nafasi nyingine ya kushindilia , kuimarisha na kumalizia pale alipopaanza.
"CCM ikimteua mtu kuwa mgombea wake wa ngazi yoyote ujue mtu huyo kachujwa vya kutosha kwani Chama chetu hakiwezi kupeleka kwa wananchi mgombea ambaye ana shaka shaka kuhusu sifa na uwezo wake"Alisema Katibu huyo Mstaafu wa Halmashauri Kuu ya Taifa, Siasa na Uhusiano wa Kimataifa
Mbunge Mteule wa Jimbo la Bumbuli Mkoani Tanga January Makamba alipokuwa akizungumza na Wananchi
Mafunzo ya Ufugaji Bora na Matibabu, Jiunge sasa kwa KUBOFYA HAPA
Post a Comment