Profesa Ole Gabriel: Chanjo za mifugo kutengenezwa nchini ni usalama wa afya ya binadamu | Tarimo Blog

Katibu Mkuu wa Wizara ya Mifugo na Uvuvi -Mifugo Profesa Elisante Ole Gabriel akiangalia akiwa katika Maabara ya Udhibiti ubora ya chanjo Mdondo kwa ajili ya kuku wakati Wahariri wa vyombo vya Habari walipokuwa katika Taasisi ya Chanjo Tanzania (TVI) Iliyopo Kibaha mkoani Pwani.

Katibu Mkuu wa Wizara ya Mifugo na Uvuvi-Mifugo Profesa Elisante Ole Gabriel akiangalia utengezaji wa chanjo za Mifugo katika Taasisi ya Chanjo Tanzania (TVI) Kibaha mkoani Pwani wakati Wahariri wa vyombo vya Habari waliokwenda katika Taasisi hiyo.

Ofisa Utafiti wa Taasisi ya Chanjo Kibaha (TVI) iliyopo chini ya Wakala wa Maabara ya Veterinari Tanzania (TVLA) Dkt. Siha Mdemu, akiwaonesha na wahariri wa vyombo mbalimbali vya habari hatua mbalimbali za uandaaji chanjo ya homa ya mapafu ya ng’ombe. Wahariri hao walitembelea maabara hiyo iliyopo Kibaha mkoani Pwani.

Katibu Mkuu wa Wizara ya Mifugo na Uvuvi-Mifugo Profesa Elisante Ole Gabriel (Katikati) akizungumza na Wahariri wa vyombo vya Habari (hawapo pichani) katiak Taasisi ya Chanjo Tanzania (TVI)Kibaha mkoani Pwani kushoto ni Mtendaji Mkuu wa Wakala ya Maabara ya  Veterinari Tanzania (TVLA) watatu kutoka kushoto ni Mkurugenzi wa Huduma za Veterinari  Profesa Hezron Nonga.

Mwenyekiti wa Msafara wa Wahariri wa vyombo vya Habari Mgaya Kingoba akizungumza namna walivyopata elimu katika Taasisi ya Chanjo Tanzania (TVI) Kibaha mkoani Pwani.

Mwenyekiti wa Msafara wa Wahariri wa vyombo vya Habari Mgaya Kingoba akizungumza namna walivyopata elimu katika Taasisi ya Chanjo Tanzania (TVI) Kibaha mkoani Pwani.

Katibu Mkuu wa Wizara ya Mifugo na Uvuvi-Mifugo Profesa Elisante Ole Gabriel (katikati) mstari wa mbele waliokaa akiwa katika picha ya pamoja na Wahariri wa vyombo vya Habari katika Taasisi ya Chanjo Tanzania (TVI), Kibaha mkoani Pwani.

Wahariri wapongeza  jitihada zinazofanywa sekta ya mifugo kwa kutengeneza chanjo ya mifugo.

Na Chalila Kibuda ,Michuzi TV

Chanjo za Mifugo   kutengenezwa nchini ni hatua ya kufanya nchi kuwa na usalama wa afya ya wananchi wake.

Hayo ameyasema Katibu Mkuu wa Wizara ya Mifugo na Uvuvi-Mifugo Profesa Elisante Ole Gabriel wakati alipozungumza na Wahariri wa vyombo vya Habari waliokwenda katika Taasisi ya Chanjo Tanzania (TVI) iliyopo Kibaha mkoani Pwani iliyopo chini ya Wakala ya Mabaara ya Veterinari Tanzania (TVLA).

 Profesa Ole Gabriel amesema kuwa Sekta ya Mifugo imepiga hatua kwa kuwa na Chanjo za wanyama zinazozalishwa nchini kwa kujenga maabara za kisasa.

Amesema kuwa nchi imeingia katika uchumi wa kati hivyo kuwa na chanjo za wanyama ni usalama wa nchi kuliko kutegemea chanjo kutoka nje ya nchi.

"Suala la uchumi ni vita kwani kuwa na chanjo zetu kunafanya wananchi wetu kuwa salama zaidi katika kutumia mazao ya mifugo"amesema Profesa  Ole Gabriel.

Aidha amesema kuwa Taasisi ya Chaanjo imepiga hatua kwa kuzalisha chanjo sita huku malengo ni kuzalisha chanjo 13 za kimkakati.

Amesema wanyama wakipata chanjo kunafanya mazao yake kuwa salama kwa afya katika Maziwa Nyama pamoja na Ngozi na hivyo kuongeza Pato la Taifa.

Taasisi hiyo imezalisha chanjo ya Mdondo, Kimeta ,Chambavu, Brucellosis,CBPP pamoja Tecoblax.

Profesa Ole Gabriel amesema wafugaji wasiwe wao wenyewe ndio wataalam wa kutibu wanyama wao wakati Watu wenye utaalam huo wapo.

"Tatizo la baadhi ya wafugaji wanakuwa wataalam hili ni tatizo na waache kufanya hivyo ili Watu wenye utaalam waweze kufanya kazi zao"amesema Profesa Ole Gabriel.

Profesa Ole Gabriel amewata TVLA na TVI kuzalisha chanjo nyingi na kuweza hata kuuza katika nchi ambazo hazitengenezi chanjo.

Nae Mtendaji Mkuu wa Wakala ya Maabara ya Veterinari Tanzania (TVLA) Dkt.Furaha Mramba amesema kuwa serikali imejenga miundombinu mbalimbali  katika uimarishaji wa Maabara kwa kuhakikisha chanjo za mifugo zinazalishwa hapa hapa nchini.

Dkt.Mramba amesema kuwa magonjwa ya mifugo yanaongoza kumaliza mfugo hayana dawa njia pekee ambayo imefanya serikali kujenga maabara ya Chanjo pamoja na kuweka Rasilimali Watu wenye utaalam wa kufanya hivyo.

Hata hivyo amesema kuwa mikakati iliyopo ni pamoja na kuongeza cliniki za mifugo ili kusogeza huduma kwa wafugaji.

Kaimu Mhariri Mtendaji wa Gazeti la Habari Leo Mgaya Kingoba kwa  niaba ya Wahariri amesema Wahariri watakuwa wa kwanza katika kuweza kuelimisha wananchi kuhusiana na sekta ya mifugo.

Mafunzo ya Ufugaji Bora na Matibabu, Jiunge sasa kwa KUBOFYA HAPA