WAASISI WA JUMUIYA ZA WANAWAKE WATAKIWA KUENDELEZA UKOMBOZI | Tarimo Blog

 

Katibu Mkuu Wizara ya Afya, Maendeleo ya Jamii, Jinsia, Wazee na

Watoto – Idara Kuu ya Maendeleo ya Jamii, Dkt. John Jingu akizungumza

na waasisi wa Umoja wa Jumuiya za Wanawake wa nchi huru za Afrika

(PAWO) jijini Dar es salaam.

Katibu Mkuu Wizara ya Afya, Maendeleo ya Jamii, Jinsia, Wazee na

Watoto – akiwa katika picha ya pamoja  na waasisi wa Umoja wa Jumuiya

za Wanawake wa nchi huru za Afrika (PAWO) jijini Dar es salaam.

Mwenyekiti wa Umoja wa Jumuiya za Wanawake wa nchi huru za

Afrika (PAWO) Leah Lupembe akimueleza jambo Katibu Mkuu Wizara ya

Afya, Maendeleo ya Jamii, Jinsia, Wazee na Watoto – Idara Kuu ya

Maendeleo ya Jamii, Dkt. John Jingu wakati wa mkutano na waasisi wa

Umoja huo Jijini Dar es salaam.(Picha zote na kitengo cha Mawasiliano Serikalini WAMJW.)

Na Mwandishi wetu Dar es Salaam

KATIBU Mkuu Wizara ya Afya – Idara Kuu ya Maendeleo ya Jamii Dkt. John

Jingu amewataka waasisi wa Jumuiya za wanawake wa nchi huru za Afrika

PAWO kuendelea na mapambano ya kuwakomboa wanawake kiuchumi, kijami na kiutamaduni.

Akizungumza na waasisi hao jijini Dar es salaam Dkt. Jingu amesema

PAWO imetoa mchango mkubwa katika bara la Afrika wakati wa harakati za

kuondokana na ubaguzi wa rangi na ukandamizaji wa wakoloni lakini bado

mapambano yanaendelea ambayo ni kujikomboa kiuchumi katika nchi na mtu

mmoja mmoja.

Ameongeza pia, Serikali kupitia Wizara ya Afya – Idara Kuu ya

Maendeleo ya jamii imeweka kipaumbele suala zima la kuwakomboa

wanawake kiuchumi kwa kutambua kuwa, mwanamke akiwezeshwa kiuchumi

ataweza kujitegemea kwa mambo mengi hivyo kuepukana na unyanyasaji

unaotokana na uchumi duni.

“Katika shughuli zetu zote tumeweka suala la kuwawezesha wanawake

kiuchumi kuwa kipaumbele, tunafanya hivyo kwa sababu tunajua mwanamke

akiwezeshwa kiuchumi mambo mengine yote yanaweza kufunguka”amesema

Jingu.

Katibu wa Umoja huo hapa nchini Marie Shaba amesema, tangu kuanzishwa

kwake umoja huo Pamoja na shughuli nyingi walizofanya waasisi,

wameamua kuendelea kupambana kwa kufanya kampeni kuibua mambo ambayo yatafanya jamii iweze kubadili fikra na tabia katika ngazi zote

ikiwemo mila na desturi.

Kwa upande wake mwanasheria kutoka Ofisi ya Msajili wa Mashirika Yasiyo ya Kiserikali Charles Mpaka amewashauri waasisi hao kufuata sheria na

taratibu za usajili wa mashirika na kuwa, Ofisi ya Msajili ipo tayari

kuwapa ushirikiano.

Umoja huo ulianzishwa mwaka 1962 kwa lengo la kuwaunganisha wanawake

wa nchi za Afrika ili kutoa msukumo wa kushirikishwa kiuchumi na

kijamii ambapo kwa sasa umoja huo unaingia hatua ya kuwa shirika

lisilo la Kiserikali kuendeleza majukumu yake

Mafunzo ya Ufugaji Bora na Matibabu, Jiunge sasa kwa KUBOFYA HAPA