WAHITIMU WA VYUO VIKUU, VYUO VYA KATI NA SHULE ZA MSINGI KUFUNDISHWA KILIMO BIASHARA | Tarimo Blog

 Na John Nditi, Morogoro

CHUO Kikuu cha Sokoine cha Kilimo (SUA) kwa kushirikiana na Shirika la Kusaidia Sekta Binafsi ya Kilimo ( Wakfu wa PASS)  kimeanzisha Kituo Atamizi cha Vijana kinachoendesha mradi wa kulea na kufundisha vijana ujasiriamali kwenye sekta ya kilimo -biashara ili waweze kuongeza kipato chao na taifa kwa ujumla.

Kwa sasa kituo hicho kina vijana 92  ambao ni wahitimu wa Vyuo Vikuu ,  Vyuo vya Kati na Shule za Msingi  waliojiunga  tangu mwezi Oktoba na Novemba mwaka jana wakishiriki  kufundishwa  kwa kipindui cha mwaka mmoja.

Makamu mkuu wa Chuo Kikuu SUA, Profesa Raphael Chibunda alisema hayo  mbele ya mkuu wa Chuo Kikuu hicho  Jaji Mstaafu , Joseph Warioba  pia ni Waziri mkuu Mstaafu  wakati wa  mahafali ya 37 ya kati kati ya mwaka (2021) ya Chuo Kikuu hicho yaliyofanyika   Kampasi ya Edward Moringe Sokoine ( Kampasi kuu) mjini Morogoro.

Katika Mahafali hayo jumla ya wahitimu  149 kati yao wanaume 92 na wanawake 57 walifauli kutunukiwa vyeti vya kuhitimu masomo yao kwenye ngazi ya  Astashahada, Stashahada,  Shahada ya kwanza , Shahada ya Umahiri,  Shahada ya Uzamivu (PhD) ambao walikuwa  15  na kati yao wanawake  ni watano.

Profesa Chibunda alisema , Miundombinu iliyojengwa kwenye Kituo Atamizi ni pamoja na vitalu nyumba 87 kati ya  100 na maeneo ya mashamba kwa ajili ya kilimo cha nje , miundombinu ya maji kwa ajili ya umwagiliaji.
“ Lengo la Kituo hiki kwa ajili ya kuzalisha mazao kibiashara chini ya uangalizi maalumu na kuwafundisha vijana wanaohitimu kutoka  vyuo vya elimu ya juu , kati na shule za msingi nchini” alisema Profesa Chibunda.

Makamu mkuu wa Chuo Kikuu hicho alisema ;Vijana hawa wanapohitimu  kutoka kwenye Kituo hiki  waweze  kwenda kubadirisha sura ya kilimo cha nchi yetu ili kuwe na tija zaidi  katika kuchochea ukuaji wa uchumi “ alisema Profesa Chibunda.
 
Katika hatua nyingine  alisema, kwa  kipindi cha mwezi Januari, 2021 hadi sasa, Chuo kimepata miradi mipya nane ya utafiti  yenye thamani ya Sh bilioni 2.2  na imefadhiliwa na wadau mbalimbali kutoka ndani nan je ya nchi.
Hata hivyo alisema , Chuo kinaendelea kutekeleza mikataba ya ushirikiano kwenye maeneo ya taaluma , utafiti , ugani na miradi ya maendeleo na Taasisi nyingine za ndani nan je ya nchi zaidi ya 90.

Naye Mwenyekiti wa Baraza la Chuo, Jaji Mkuu Mstaafu Mohamed Chande Othman alisema,  katika kusimamia urekelezaji wa Mpango Mkakati wa Chuo wa awamu ya nne 2016-2021 ulioanza kutekelezwa Julai 1, 2016 hadi sasa umetekelezwa kwa asilimia 74.45  na kutumika Sh milioni 39.95.

Pia alisema, kwa niaba ya Baraza la Chuo hicho anaishukuru Serikali kwa ruzuku na fedha za maendeleo inayotoa kwa Chuo,  kwani ni dhahiri bila fedha hizo kisingeweza kutekeleza majukumu yake kwa ufanisi.

Mbali na hayo alitumia fursa hiyo  kuwaasa wahitimu wa Chuo hicho kuwa wakatumie elimu walioipata katika kujenga Taifa letu ,na  wawe wenye nidhamu na uadilifu katika kazi zao za kila siku.

Mafunzo ya Ufugaji Bora na Matibabu, Jiunge sasa kwa KUBOFYA HAPA