WAZIRI WA MADINI DOTO BITEKO AWATAKA WACHIMBAJI WADOGO WA MADINI MKOANI GEITA KUTUMIA VIZURI MAFUNZO YANAYOTOLEWA NA GST | Tarimo Blog

 

Na.Samwel Mtuwa - Geita.

Waziri wa Madini Doto Biteko  amewataka wachimbaji wadogo wa madini mkoani Geita kutumia taarifa za kitaalam za jiosayansi pamoja na kuitumia Maabara ya Taasisi ya Jiolojia na Utafiti wa Madini Tanzania (GST) katika shughuli zao za uchimbaji Madini nchini.

Biteko amesema hayo wakati wa ufunguzi WA mafunzo kwa wachimbaji wadogo yanayohusu Namna Bora ya Uchukuaji wa Sampuli za Uchunguzi na Uchenjuaji wa Madini Tanzania yanayotolewa na (GST).

Akizungumzia Juu ya maendeleo ya sekta ya Madini nchini , Waziri Biteko alisema kuwa tafiti za jiosayansi zinazofanywa na GST zinapelekea kugunduliwa kwa migodi mbambali nchini ikiwemo migodi ya wachimbaji wadogo.

Sambamba na  hapo Waziri Biteko aliwapongeza wachimbaji Kwa kufikia mchango wa asilimia thelathini (30%) akilinganisha na awali ambapo wachimbaji wadogo walikuwa hawafikii hata asilimia kumi (10%) katika kuchangia pato la Taifa (GDP).

Akiitimisha  hotuba ya kufungua mafunzo hayo Biteko aliwasisitiza wachimbaji wadogo kutumia fursa ya mafunzo hayo ya nadharia na vitendo ili kuleta tija zaidi na kufanya uchimbaji wa uhakika bila kupoteza muda na mitaji pamoja na kuzuia uharibifu wa mazingira.

Mafunzo haya yanatolewa katika mikoa tisa nchini.

Mafunzo ya Ufugaji Bora na Matibabu, Jiunge sasa kwa KUBOFYA HAPA