DIWANI KATA YA MAKURUMLA BAKARI KIMWANGA AISHUKURU SERIKALI KUENDELEA KUTOA FEDHA ZA MIRADI | Tarimo Blog

Na Mwandishi Wetu,Michuzi TV

MKUU wa Wilaya ya Ubungo mkoani Dar es Salaam Henry James amefanya ziara ya kukagua miradi ya maendeleo katika Kata ya Makurumla.

Mbali ya kukagua miradi ya maendeleo kwenye Kata hiyo ambayo Diwani wake ni Bakari Kimwanga, James amepata nafasi ya kusikiliza keroza wananchi na kuzipatia ufumbuzi na nyingine akiahidi kuzishughulikia ili kuhakikisha Kata hiyo inaondokana na changamoto.

Akiwa kwenye mkutano wa hadhara ambao umefanyika Mtaa wa Mianzini katika Kata ya Makurumla,James amepongeza hatua mbalimbali zinazochukuliwa na viongozi wa kata wakiongozwa na Diwani katika kusimamia miradi ya maendeleo.

"Nimekagua miradi ya maendeleo hakika nimeridhishwa na kazi iliyofanyika, Serikali ya Awamu ya Sita inayoongozwa na Rais Samia Suluhu Hassan imedhamiria kuendelea kuboresha huduma za jamii ikiwemo miuondombinu mbalimbali,"amesema James.

Kwa upande wake Diwani wa Kata ya Makurumla Bakari Kimwanga ameishukuru Serikali ya Awamu ya Sita chini ya Rais Samia Suluhu Hassan, kwa kuendelea kutoa fedha za maendeleo katika kikao sekta kwenye kata hiyo.

"Mheshimiwa Mkuu wa Wilaya yetu ya Ubungo, kipekee nimshukuru Rais Samia pamoja nawe chini ya usimamizi wako, tumepata miradi ya barabara yenye dhamani ya Sh.Milioni 420 ambayo tunaamini itakwenda kubadili sura ya kata yetu.

"Lakini kwa upande wa elimu tayari kea Shule tu ya Mianzini tumepata ujenzi wa madarasa ikiwa na ukarabati wa Sh milioni 47.5 na Kituo cha Afya tumepata Sh Milioni 15 ambazo zimejenga jengo la kufulia kwenye hospitali yetu asante sana mama Samia Suluhu Hassan nawe DC wako kwa usimamizi wako," amesema Kimwanga

Diwani wa Kata ya Makurumla Bakari Kimwanga( kulia) akifafanua jambo wakati wa ziara ya Mkuu wa Wilaya ya Ubungo Henry James akikagua maendeleo katika kata hiyo

Mkuu wa Wilaya ya Ubungo mkoani Dar es Salaam Henry James( kulia) akitoa maelekezo kwa watekelezaji wa moja ya mradi wa maendeleo katika Kata ya Makurumla

Sehemu ya wananchi wa Kata ya Makurumla mkoani Dar es Salaam wakiwa makini kumsikiliza Diwani wa Kata hiyo Bakari Kimwanga(hayupo pichani) wakati akitoa taarifa ya maendeleo kwa Mkuu wa Wilaya ya Ubungo aliyefanya ziara ndani ya Kata hiyo

Henry James ambaye ni Mkuu wa Wilaya ya Ubungo mkoani Dar es Salaam( wa pili kushoto) akiwa na viongozi wa Kata ya Makurumla wakielekea kukagua miradi ya maendeleo

Mkuu wa Wilaya ya Ubungo Henry James akiwa na viongozi wengine wa Kata ya Makurumla wakiongozwa na Diwani Bakari Kimwanga wakikagua miradi ya maendeleo

Diwani Kata ya Makurumla Bakari Kimwanga( kulia) akitoa maelezo kuhusu miradi inayoendelea ndani ya Kata hiyo kwa Mkuu wa Wilaya ya Ubungo Henry James( wa pili kulia).Wengine ni baadhi ya viongozi wa kata hiyo

Diwani wa Kata ya Makurumla mkoani Dar es Salaam Bakari Kimwanga(aliyesimama) akizungumza mbele ya Mkuu wa Wilaya ya Ubungo Henry James ambaye alifika kwenye kata hiyo kukagua miradi ya maendeleo na kusikiliza kero za wananchi

Mkuu wa Wilaya ya Ubungo mkoani Dar es Salaam Henry James akizungumza na wananchi wa Kata ya Makurumla ambapo alifanya ziara ya kukagua miradi ya maendeleo ndani ya Kata hiyo

Mafunzo ya Ufugaji Bora na Matibabu, Jiunge sasa kwa KUBOFYA HAPA