Kampuni ya Bia ya Serengeti (SBL) imekabidhi gari jipya aina ya IST kwa mkazi mmoja wa Arusha aliyejishindia zawadi kubwa katika promosheni ya SBL ya bia ya Pilsner Lager ijulikanayo kama ‘Kapu la Wana’ iliyokamilika hivi karibuni. Mshindi huyo aliibuka kidedea katika droo iliyochezeshwa mapema wiki iliyopita jijini Dar es Salaam.
Akizungumza katika hafla ya kukabidhi zawadi hiyo iliyofanyika kwenye baa ya 'The Blue' jijini Arusha, Meneja Masoko wa SBL kanda ya Kaskazini, Andrew Msiagi alisema, “tumefika Arusha kwa ajili ya kufanya makabidhiano ya zawadi hii kubwa, tuna furaha hatimaye. tumalizie kampeni ya Kapu la Wana na ninafuraha zaidi kwa mwanamke kuibuka mshindi wa mwisho wa kampeni yetu ya Kapu la Wana, hii inaonyesha kuwa chapa yetu ya Pilsner inapendwa na watu wa kila aina.”
Alisema promosheni hiyo iliundwa ili kuwazawadia watumiaji wa Pilsner wanaofanya kazi kwa bidii katika Kanda za Ziwa, Kusini na Kaskazini, ili kuwasaidia kubadili maisha yao kwa namna moja au nyingine kwa kuwazawadia zawadi mbalimbali, kuanzia simu janja hadi pikipiki.
Kupitia promosheni hiyo ambayo SBL iliwekeza Tzsh milioni 36, jumla ya washindi 22 wametunukiwa zawadi mbalimbali kwa kipindi cha miezi miwili. Washindi walikuwa kutoka kanda za Ziwa, Kusini na Kaskazini ambako promosheni hiyo ilikuwa ikitekelezwa. Zawadi hizo ni pamoja na simu janja, televisheni, pikipiki na gari kama zawadi kuu.
Kwa upande wake Shamimu Hemedi Mushi aliyejishindia zawadi hiyo baada ya kushiriki kwenye promosheni hiyo alisema, “Nimefurahi sana kuibuka mshindi wa gari jipya kabisa baada ya kushiriki Kapu la Wana, Pilsner ni bia ya chaguo langu lakini sikutarajia kushinda zawadi hii kubwa. Naishukuru SBL kwa kuunda promosheni hii na kunizawadia zawadi hii ambayo itabadilisha maisha yangu kabisa.”
Hafla ya makabidhiano hayo ilihudhuriwa na Mkuu wa Wilaya ya Arusha, Felician Mtahengerwa kama Mgeni Rasmi. Mtahengerwa aliipongeza SBL kwa kuandaa promosheni iliyowapa fursa ya kurudisha kidogo kwa jamii, “Naipongeza SBL kwa mpango huu, kupitia promosheni hii SBL imemwezesha mwanamke ambaye leo anaondoka na gari jipya kabisa, ambalo naamini litabadili maisha yake yatakuwa bora kuanzia hapa na kuendelea.”
Mkuu wa Wilaya ya Arusha, Felician Mchengerwa (katikati) akimfungulia mlango wa gari mkazi wa Arusha, Shamimu Hemedi Mushi (katikati) aliyjishindia gari mpya kupitia promosheni ijulikanayo kama Kapu la Wana ya kampuni ya bia ya Serengeti kupitia bia yake ya Pilsner Lager. Hafla ya makabidhiano yalifanyika jijini Arusha mwishoni mwa wiki. Kulia ni Manager Mauzo wa SBL kanda ya Kaskazini, Andrew Msiagi.
Mkuu wa Wilaya ya Arusha, Felician Mchengerwa (kushoto) akionyesha kadi ya gari aliyokabidhiwa mkazi wa Arusha, Shamimu Hemedi Mushi (katikati) baada ya kujishindia gari mpya kupitia promosheni ijulikanayo kama Kapu la Wana ya kampuni ya bia ya Serengeti kupitia bia yake ya Pilsner Lager. Hafla ya makabidhiano yalifanyika jijini Arusha mwishoni mwa wiki. Kulia ni Manager Mauzo wa SBL kanda ya Kaskazini, Andrew Msiagi.
Mafunzo ya Ufugaji Bora na Matibabu, Jiunge sasa kwa KUBOFYA HAPA
Post a Comment