KITUO CHA MAFUNZO NA HABARI KUONGEZA UFANISI WA KAZI- MAHAKAMA

Na  Magreth  Kinabo  .

 

JAJI Mkuuwa Tanzania  Profesa Ibrahim Juma   amesema  kwa  Kituo  cha  Mafunzo  na  Habari  cha Mahakama  kilichopo katika eneo la Kisutu jijini Dar es Salaam kitasaidia kuboresha  utendaji  kazi  kwa Watumishi  wa Mahakama na wadau wake.

Kauli hiyo imetolewa leo  na Mkuu huyo wakati alipozindua  kituo hicho , ambapo  alisema  kitakuwa  ni sehemu ya  mafunzo  ya  kuweza kuendelea kuwajengea uwezo watumishi hao  na wadau Mahakama ili waweze kuwa na uelewa wa kutosha  wa masuala mbalimbali ya kisheria .

 Aliongeza kwamba  kituo hicho, kielelezo cha Teknolojia  ya Habari  na Mawasiliano(TEHAMA)  hivyo  kinaweza kusaidia  watumishi  wa Mahakama  kutenda haki  kwa wakati, ikiwemo  na kupata  habari.

 “Kituo  hiki kitasaidia  jiji la Dar es Salaam kuwa  na sehemu   ya mafunzo ya kisheria, kwa kuwa kitatoa mafunzo  ya kisheria  ili kuwajengea uwezo  watumishi  wa mahakama kuwa na uelewa  wa kutosha katika  masuala  ya Kielektroniki  na   kwenye  maeneo mapya ya kisheria ,” alisema Juma.

Profesa  Juma   alifafanua  maeneo hayao  kuwa  ni  masuala ya kisheria  ya mtandao, dawa za kulevya hivyo kinaweza kubaini kuwa mtu  akifanya kosa anaweza kufungwa  au kama ana hatia  kuachiwa.

Aliwataka  watumiaji wa kituo hicho, kuhakikisha  kinakuwa na habari muhimu  kwa maendeleo  ya nchi ilinganishwa na nchi nyingine  ili kuifanya Tanzania  inakuwa  inafanya vizuri kuhusu  utekelezaji  wa mikataba na ubora wa ufanyaji biashara.

Kwa  upande wake, Mkurugenzi wa Mkazi kutoka Benki ya Dunia(WB) , Bellla  Bird alipongeza Mahakama ya Tanzania kwa juhudi zake  za kujenga kituo hicho  kuongeza  ufanisi  wa utendaji  kazi  wa Mahakama  na  haki  inapatikana kwa wakati.

Naye Mkuu wa Chuo cha Uongozi  wa Mahakama(IJA), Mhe. Jaji  Paul  Kihwelo alisema kituo hicho kitakuwa  kinatoa  mafunzo  kwa njia vedio  kwa kushirikiano na IJA  na Mbeya .

SOMA ZAIDI