ASKOFU GAMANYWA AWASHAURI WANANCHI KUTOFAUTISHA KURA ZA UZALENDO NA USALITI | Tarimo Blog

Mwangalizi mkuu wa kitaifa na  kimataifa ya Wapo Mission International Askofu Sylvester Gamanywa (kushoto) akipeperusha bendera wakati wa kuimba wimbo wa uzalendo  wakati wa uzinduzi wa kitabu cha Uzalendo na Falsafa  za Kimamlaka, kulia ni Sheikh Mohamed Iddi Mohamed, Leo jijini Dar es Salaam.

Mwangalizi Mkuu wa kitaifa na kimataifa wa Wapo Mission International Askofu Sylvester Gamanywa (kulia) akikata utepe kuashiria uzinduzi wa kitabu hicho, kushoto ni Sheikh Mohamed Iddi Mohamed,Leo jijini Dar es Salaam.

Mwangalizi mkuu wa kitaifa na  kimataifa ya Wapo Mission International Askofu Sylvester Gamanywa akizungumza na waandishi wa habari mara baada ya uzinduzi wa kitabu chake cha Uzalendo na Falsafa ya Mamlaka, ambapo amesema kuwa kitabu hicho chenye sura sita kina majengo ya kutoa elimu ya uraia kwa wananchi, leo jijini Dar es Salaam.

Sheikh Mohamed Iddi Mohamed akizungumza na waandishi wa habari wakati wa uzinduzi wa kitabu chake cha Uzalendo na Falsafa ya Mamlaka, ambapo amesema viongozi wa dini wana nafasi kubwa ya kutoa elimu ya uzalendo kwa wananchi, Leo jijini Dar es Salaam.

Mwangalizi mkuu wa kitaifa na  kimataifa ya Wapo Mission International Askofu Sylvester Gamanywa (kulia) na Sheikh Mohamed Iddi Mohamed wakionesha kitabu hicho mara baada ya kukizindua mapema, Leo jijini Dar es Salaam.

Baadhi ya washiriki waliohudhuria mkutano huo.

*Atoa neno kwa JPM

Na Leandra Gabriel, Michuzi TV

IMEELEZWA kuwa Rais Magufuli hawezi kutenganishwa na maslahi ya Taifa wala kutenganishwa na juhudi zake za kupingana na rushwa, ufisadi na pamoja na ujenzi wa miundombinu imara ya usafiri iliyoipeleka taifa katika uchumi wa kati.

Hayo yameelezwa leo na mwangalizi mkuu wa kimataifa na kimataifa ya Wapo Mission International, Askofu Sylvester Gamanywa wakati akizindua kitabu chake cha "Uzalendo na Falsafa ya Mamlaka" jijini Dar es Salaam.

Gamwanywa amesema kuwa kitabu hicho chenye sura sita kina mlengo wa kutoa elimu ya uraia kwa  wananchi.

"Kitabu hiki kitatufaa hata baada ya uchaguzi, na kikisomwa na wagombea na wananchi kwa siku 20 zilizobaki katika kuelekea uchaguzi mkuu mitazamo yao itabadilika...kimeeleza na kuhamasisha wananchi kujua aina ya kura watakazopiga aidha za Uzalendo au usaliti" ameeleza Gamanywa.

Askofu Gamanywa amesema, watumishi wa Mungu hawawezi kumtenganisha Rais Magufuli na Uhuru wa ibada;

"Kama si Rais Magufuli tungekuwa hatuhubiri Injili na kuendesha ibada, Kama si Rais Magufuli Corona ingetumaliza kwa sababu hatukuwa na uwezo kudhibiti kisayansi na hadi sasa wanasayansi wameshindwa kudhibiti" amesema.

Aidha amesema kuwa uzalendo wa nchi ni kumwongezea Rais Magufuli kipindi cha pili ili andeleze mikakati ya kiuchumi kutoka uchumi wa kati kwenda uchumi wa kwanza.

"Kuna watu wanasema natumika huku mara kule..ninasema ukweli ninaoujua na uliokuwa hausemwi ili hata nikienda kwenye kiti cha hukumu nimwambie Mungu kuwa nilisema ukweli, kumwondoa Rais Magufuli kwa Sasa ili asiweze kukamilisha miradi mikubwa ya kiuchumi aliyoiasisi na kumwondoa kwenye udhibiti wa rasilimali za nchi ni sawa  na kuirudisha Tanzania kwenye umaskini na kuiuza nchi kwa mabeberu na huu ndio usaliti dhidi ya nchi." ameeleza Gwamanywa.

Aidha amesema kuwa wanasiasa lazima wawe wazalendo kwa kuepuka masuala ya ukabila, udini na majimbo mambo ambayo yanaweza kuigawa nchi.

Kwa upande wake Sheikh. Mohamed Iddi Mohamed amesema viongozi wa dini ni watu wa kushirikisha elimu kwa Umma ni si kuikosoa Serikali.

"Nimeandika vitabu viwili ambavyo vikisomwa mitazamo ya jamii yetu itabadilika hasa kwa wakati huu...nimeandika kitabu cha Nasaha kumi kuelekea uchaguzi mkuu na misingi 15 ya amani na lazima tushirikiane kutunza tunu za taifa" ameeleza.

Sheikh. Mohamed amesema watanzania lazima wachague kiongozi mzalendo, mwenye kujitoa kwa nchi na mwenye maono chanya kwa taifa.

Mafunzo ya Ufugaji Bora na Matibabu, Jiunge sasa kwa KUBOFYA HAPA