WIZARA YA FEDHA KUIMARIKA KIELETRONIKI | Tarimo Blog

 

Na Epifania Gustafu -MAELEZO

SERIKALI imewaagiza maafisa masuhuli wote wa taasisi zilizo chini ya Ofisi

ya Msajili wa Hazina kuhakikisha kuwa mpango wa bajeti kwa mwaka

2021/2022 unaandaliwa kwa mfumo mpya wa uandaji wa bajeti,

(PlanRep.)

Akizungumza katika uzinduzi wa mfumo wa uandaaji wa bajeti jijini

Dodoma, Kaimu Katibu Mkuu Wizara ya Fedha na Mipango Mary Maganga,

amemtaka Msajili wa Hazina Athumani Mbutuka kutochambua bajeti

yoyote itakayowasilishwa nje ya mfumo huo.

Pia amempongeza Msajili huyo kwa utekelezaji wa mfumo huo ambao ni

matokeo ya juhudi zilizofanywa na ofisi yake katika kuimarisha usimamizi

wa fedha za umma katika Wakala za Serikali.

Aidha amewashukuru wadau wa maendeleo wanaofadhili Mradi wa

Maboresho ya Usimamizi wa Fedha za Umma (PFMRP) kwa kuwezesha

kifedha ujengaji wa mfumo huo na kuendelea kufanya kazi kwa

kushirikiana na Serikali katika kuimarisha nchi.

"Nawapongeza kwa dhati vijana wetu, Watanzania wenzetu, ndani ya

Serikali kwa weledi wao na jitihada zao zilizosababisha kufanikisha

kujenga customization ya mfumo huu, hongereni sana hatuna budi

kuishukuru Serikali ya Awamu ya Tano , kwani mafanikio yote haya

yamewezekana chini ya uongozi wake thabiti na imara." Amesema

Maganga.

Ameongeza kuwa uwepo wa mfumo huo utapunguza upotevu wa mapato,

kuimarisha na kuchochea uwajibikaji, kuimarisha uchambuzi wa bajeti na

ufuatiliaji na hatimaye kuongeza mapato katika mfuko Mkuu wa Serikali.

"Nafahamu ofisi yako haikuwa na mfumo ambao ungeiwezesha kufualitia

utekelezaji wa bajeti za Wakala wa Serikali, Taasisi na Mashirika ya

Umma, Hivyo basi, mfumo huu utakuwa kitendea kazi muhimu cha ofisi

yako na naamini hata Wizara na Taasisi nyingne za Serikali kuu zitaweza

kutumia mfumo na kuweza kuokoa gharama ambazo zinalipwa kwa ajili ya

mfumo wa kibajeti." Amesema Maganga.

Amebainisha kuwa mfumo huo utaunganishwa na mfumo wa ulipaji

Serikalini (MUSE) na kuwezesha kudhibiti matumizi ya fedha za umma

nje ya mipango na bajeti iliyoidhinishwa.

Kwa upande wa Msajili wa Hazina, Athumani Mbutuka amesema Ofisi hiyo

ikishirikiana na Ofisi ya Rais, TAMISEMI na Wizara ya Fedha na Mipango

katika mwaka wa Fedha 20219/20 ilianzisha mradi wa kusimika Mfumo wa

uandaaji na uwasilishaji wa bajeti Kielectronik (PlanRep) utakaotumika

katika Wakala za Serikali,Taasisi na Mashirika ya Umma.

Mafunzo ya Ufugaji Bora na Matibabu, Jiunge sasa kwa KUBOFYA HAPA