AIRLINK YAANZA KUSHEREKEA SIKUKUU NA WATOTO YATIMA | Tarimo Blog

Baadhi ya watoto kutoka kituo cha watoto yatima cha Kibaha Orphanage Centre wakiwa pamoja na viongozi wa kampuni ya Airlink wakati walipotembelea ofisi za kampuni hiyo leo jijini Dar es Salaam. 

Mmoja ya watoto kutoka kituo cha kulelea yatima cha Kibaha Orphanage Centre Imani Mussa akizungumza na waandishi wa habari mara baada ya kutembelea ofisi za Airlink ambapo ameishukuru kampuni hiyo kwa kuwakumbuka na kuiomba jamii kuwakumbuka kwa kuwapa mahitaji muhimu, Leo jijini Dar es Salaam.

Mkurugenzi mkazi wa Kampuni ya Airlink Robert Othman akizungumza na waandishi wa habari kuhusiana na msaada walioutoa kwa watoto hao na kueleza kuwa wataendelea kurudisha fadhila kwa jamii kwa kutoa mahitaji ya msingi kwa wahitaji, Lei jijini Dar es Salaam.

Na Leandra Gabriel, Michuzi TV

KAMPUNI  ya Airlink inayoshughulika na masuala ya usafiri wa anga leo Desemba 23 imejumuika na watoto yatima kutoka kituo cha Kibaha Orphanage Centre kwa kupata kupata chakula pamoja na kutoa misaada mbalimbali ikiwa ni sehemu ya kusherehekea msimu wa sikukuu sambamba na kurudisha fadhila kwa jamii.

Akizungumza wakati wa hafla hiyo leo jijini Dar es Salaam Mkurugenzi Mkazi wa Airlink Tanzania, Robert Othman amesema kuwa kampuni hiyo imeanza kufanya kazi rasmi Desemba Mosi mwaka huu na wateja na jamii kwa ujumla kwao ni watu muhimu sana wakati wote.

"Tumeanzaa kazi Desemba mwaka huu na katika msimu wa sikukuu tumekutana na watoto yatima kutoka Kibaha Orphanage Centre, tutakula nao pamoja na kuwapa chochote kitu, na hii ni sehemu ya majukumu yetu katika kukuza biashara bora ya anga na jamii kwa ujumla." Amesema.

Aidha amesema kuwa kampuni, taasisi na wanajamii wajitoe kuwasaidia watoto waishio kwenye mazingira ya magumu kwa kuwapa mahitaji muhimu ya kimaisha.

Vilevile mmoja wa watoto hao Imani Mussa ameishukuru Airlink kwa  kuwakumbuka katika msimu huu wa sikukuu.

"Tumefurahi, tunawashukuru sana kwa kutukumbuka na kutuita hapa leo na kutupa baadhi ya matumizi, Mungu awabariki." Amesema.

Kampuni ya Airlink inayoshughulika na masuala ya usafiri wa anga kwa safari za Tanzania na Afrika Kusini ilianza rasmi safari zake Desemba Mosi mwaka huu na imedhamiria kurudisha fadhila kwa jamii kupitia mradi huo.

Mafunzo ya Ufugaji Bora na Matibabu, Jiunge sasa kwa KUBOFYA HAPA