MC PILIPILI AMPA TANO RAIS SAMIA KWA KUINGILIA KATI SUALA LA TOZO ZA MIAMALA | Tarimo Blog

Charles James, Michuzi TV

MCHEKESHAJI Emmanuel Mathias 'MC Pilipili amempongeza Rais Samia Suluhu Hassan kwa uamuzi wake wa kuzitaka Wizara za Fedha na Mipango na Mawasiliano na Teknolojia kupitia upya kanuni za tozo ya miamala.

Kwa muda wa wiki moja kumekuepo kwa mjadala wa malalamiko ya wananchi juu ya tozo za miamala ya simu ambapo jana Rais Samia aliwaagiza mawaziri hao kuangalia upya kanuni za tozo hizo.

Akizungumza jijini Dodoma, MC Pilipili amesema kitendo cha Rais Samia kutoa maagizo hayo kinaonesha jinsi gani alivyo karibu na watanzania na anaishi shida zao.

" Kwa kweli katika hili la tozo Rais Samia ametuonesha yeye ni Rais anaejali maisha ya wananchi wake, anajua maumivu yetu na yupo tayari kututetea, nimpongeze na kumshukuru kwa moyo wake wa uzalendo aliotuonesha," Amesema MC Pilipili.

Akizungumzia kampeni yake ya Love Campaign ambayo amekua akiifanya kwa muda mrefu amesema safari hii ni zamu ya Dodoma ambapo tamasha hilo litafanyika Julai 23 hadi 25 katika eneo la Swaswa jijini Dodoma.

Amesema tamasha hilo limelenga kuhamasisha upendo kwa watanzania na kuendesha maombi Maalum ya kumuombea Rais Samia Suluhu Hassan ambapo pia mwimbaji wa nyimbo za injili, Ambwene Mwasongwe.

" Tumekua tukiendesha kampeni yetu ya Love Campaign na sasa ni zamu ya nyumbani kwetu, tutafanya tamasha hili nyumbani Swaswa na mwimbaji Ambwene atapamba tamasha letu.

Tutaendelea kufanya kampeni hii yenye lengo la maombezi kwa Nchi yetu, kuhamasisha upendo na amani lakini pia kampeni hii itaendelea kusaidia watu mbalimbali wenye uhitaji hapa nchini.

Mchekeshaji Emmanuel Mathias 'MC Pilipili akizungumza na wandishi wa habari jijini Dodoma leo.

 

Mafunzo ya Ufugaji Bora na Matibabu, Jiunge sasa kwa KUBOFYA HAPA