VITUO 17 VYA ATAMIZI VYAANZISHWA ILI KUKUZA UBUNIFU | Tarimo Blog

Waziri wa Elimu,Sayansi na Teknolojia Prof. Joyce Ndalichako wa pili kushoto, Naibu Katibu Mkuu wa Tume ya Sayansi na Teknolojia Profesa James Mdoe wa pili kulia, Mkurugenzi Mkuu wa COSTECH Dkt. Amos Nungu wakiwa katika picha ya pamoja baada ya kuzindua Ripoti ya Tracer Study inayoangazia mchango wa ubunifu nchini iliyofanyika Jijini Dar es Salaam katika maadhimisho ya Siku ya Sanyansi,Teknolojia na Ubunifu (STU).

Waziri wa Elimu,Sayansi na Teknolojia Prof. Joyce Ndalichako akizungumza katika maadhimisho ya Siku ya Sanyansi,Teknolojia na Ubunifu (STU) sambamba na uzinduzi wa Ripoti ya Tracer Study inayoangazia mchango wa ubunifu nchini.

Naibu Katibu Mkuu wa Wizara ya Elimu, Sayansi na Teknolojia Prof. James Mdoe akizungumza wakati wa maadhimisho ya Siku ya Sanyansi,Teknolojia na Ubunifu (STU) ambapo pia kulifanyika uzinduzi wa Ripoti ya Tracer Study inayoangazia mchango wa ubunifu nchini.

Wadau wa elimu, sayansi na Teknolojia nchini wakiwa katika maadhimisho ya Siku ya Sanyansi,Teknolojia na Ubunifu (STU) sambamba na uzinduzi wa Ripoti ya Tracer Study inayoangazia mchango wa ubunifu nchini.

WIZARA ya Elimu Sayansi na Teknolojia imeanzisha vituo 17 vya atamizi ili kuhakikisha wanatatua changamoto mbalimbali zinazowakumba wabunifu wachanga nchini

Hayo yamesemwa na Waziri wa Elimu,Sayansi na Teknolojia Profesa Joyce Ndalichako alipokuwa  akizungumza katika maadhimisho ya Siku ya Sanyansi,Teknolojia na Ubunifu (STU) sambamba na uzinduzi wa Ripoti ya Tracer Study inayoangazia mchango wa ubunifu nchini.

Prof. Ndalichako amesema Serikali imedhamiria kuwajengea ujuzi vijana ili bunifu zao wanazozifanya zikawe na manufaa kwa jamii inayowazunguka na hata kutatua changamoto hivyo amewataka kutokata tamaa kwani wanashiriki katika kujenga nchi kwa bunifu zao zenye tija ili waweze kukuza uchumi  wa nchi yetu.

“Tuwape fursa, vijana wetu, tuwaamini hasa wakiwa kwenye mafunzo ya vitendo  tusiogope kuwakaribisha tuwape nafasi ili waweze kuonesha ujuzi wao wenye tija." Amesema Prof.Ndalichako.

Naye,  Mkurugenzi wa Tume ya Sayansi na Teknolojia (COSTECH) Dkt. Amos Nungu amesema wamekuwa wakiwafuatili vijana ambao wamepitia mafunzo ya ubunifu kwani lengo lao ni kuwasaidia wabunifu ili waweze kuonyesha mchango wao katika jamii.

“Kupitia ripoti hii aambayo imezinduliwa na kuweza kugaiwa kwa kila mmoja kikubwa kuangalia mchango wa ubunifu hapa nchini upi na kuweza kupata mrejesho kusudi tuweze  kuboresha zaidi”. Amesema Dkt.Nungu.

Mafunzo ya Ufugaji Bora na Matibabu, Jiunge sasa kwa KUBOFYA HAPA