WASANII WA 'BONGO MUVI' KUKUTANA HIVI KARIBUNI KUPANGA MAANDALIZI MAKUBWA YA KUMPOKEA RAIS SAMIA | Tarimo Blog

Wasanii mbalimbali wa Bongo Muvi wanatarajia kukutana katika hoteli ya serena jijini dar es salaam hivi karibuni,kwa ajili ya maandalizi makubwa ya kumpokea Rais wa Jamhuri ya Muungano wa Tanzania Mhe,Samia Suluhu Hassan ambaye kwa sasa yuko nchini Marekani kwa ajili ya ziara ya uzinduzi wa Filamu ya Royal Tour nchini Marekani.

Akiwa nchini Marekani,Rais Samia alipata nafasi  ya kuwasemea Wasanii wa Bongo Muvi na kujaribu kuwatafutia nafasi/fursa za kufika mbali kupitia tasnia hiyo adhimu hapa nchini.

Kufuatia kitendo hicho cha Rais Samia kuwakumbuka Wasanii hao,kimewafurahisha na kuwavutia Wasanii hao na kuamini kuwa Rais Samia anatambua mchango wao na yuko pamoja nao katika kuhakikisha anawasaidia kwa namna ama nyingine ili waweze kusogea zaidi katika tasnia hiyo ambayo imekuwa ikiajiri vijana wengi kila kukicha.

 
Mafunzo ya Ufugaji Bora na Matibabu, Jiunge sasa kwa KUBOFYA HAPA