HATUA MBALIMBALI KUCHUKULIWA KUTATUA KERO ZA MIGOGORO YA ARDHI NA MIPAKA CHALINZE- RIDHIWANI | Tarimo Blog

 Na Mwamvua  Mwinyi, CHALINZE

MBUNGE wa Jimbo la Chalinze, Ridhiwani Kikwete amewahakikishia

wananchi wa Kata ya Pera na Chalinze kuwa Serikali itaendelea kutatua

kero za migogoro ya Ardhi katika Halmashauri hiyo .

Akizungumza na wananchi wa Kata ya Pera, amewahakikishia wananchi kuwa wamejipanga vizuri kumaliza kero za mipaka hasa ile isiyokwisha kati

ya Kitongoji cha Pingo na Chamakweza ambao umedumu kwa takribani

miongo Miwili.

Awali akiwa katika Kitongoji cha Pingo, Mbunge aliweza kufanya mkutano

wa wazi na Wananchi ambapo pia aliongozana na watalaam mbalimbali wa

Idara pamoja na viongozi wa ngazi ya Vitongoji, Kata na Wilaya

wakiwemo Wanasiasa.

Mbunge amewaahidi Wananchi hao kuendelea kutoa ushirikiano huku

akiwashukuru kwa kukichagua Chama Cha Mapinduzi CCM ikiwemo kumpatia

asilimia zaidi ya 94 Rais wa Jamhuri ya Muungano wa Tanzania, Dkt.

John Pombe Joseph Magufuli.

Katika mkutano huo ambao Mbunge alipokea pia kero mbalimbali

zinazowakabili Wananchi ikiwemo migogoro ya mipaka,

Mgogoro ya ardhi baina ya wakulima na wafugaji, Fursa za TASAF, mikopo

ya Jamii, Afya na mengineyo.

Hata hivyo Mbunge aliweza kutolea ufafanuzi baadhi ya kero za Wananchi

ambazo zimeanza kufanyiwa kazi na kuwakumbusha kuwa serikali haikuwa

imelala ilikuwa inafanya kazi,  huku zingine akiahidi kuzichukua kwa

ajili ya kuzitafutia ufumbuzi.

Mafunzo ya Ufugaji Bora na Matibabu, Jiunge sasa kwa KUBOFYA HAPA